AKTIVT FYLKESMÅLLAG

Troms og  Finnmark mållag har avvikla årsmøte og valt Astrid Vetrhus frå Varanger mållag til ny leiar. 

Årsmøtet kunne oppsummere eit aktivt arbeidsår med nesten 300 medlemmar i dei to nørdste fylka. Fylkesmållaget har engasjert seg i arbeidet for nynorsk sidemål i skolen, og støtta ein Nynorsk motivasjonsdag for lærarar i Sør-Troms og Vesterålen.  Fleire lokale mållag har også arbeidd med dialektar på ulike vis, i aviser, eigne bøker og på koppar og krus. Det har også vore samlingar for lokallaga, og no er arbeidet i gang med å skrive mållagssoge.

Norsk Tidend nr 3, 2025

Det har nettopp vore landsmøte i Noregs Mållag der både Troms og Finnmark mållag og fleire nordnorske mållag møtte med utsendingar. Her blei det vedtatt eit fireårsprogram for mållaga, som også vil bli følgt opp i Troms og Finnmark.

Med seg i styret har Astrid Vetrhus også Sigrun Høgetveit Berg (Tromsø), Øystein Omar Aas (Harstad) og Magne Leon Heide (Harstad), med Astrid Fjose (Målselv) og Ingrid Russøy (Balsfjord) som varafolk.